(Фото/Видео) Ќерката на Кетрин Зита-Џонс е вистинска убавица: Со својот изглед ги маѓепса сите

Карис Зета Даглас, ќерката на актерскиот пар Кетрин Зета-Џонс и Мајкл Даглас, се појави на еден настан во Мадрид и ги воодушеви сите присутни со својот беспрекорен моден избор.

Карис Зета Даглас сигурно чекори кон својот пат во филмската индустрија.

Ќерката на славниот пар е дипломец на престижниот универзитет „Браун“ и веќе ги прави првите чекори кон професионална актерска кариера.

Неодамна таа присуствуваше на хуманитарниот настан „Elle for Hope 2026“ во Мадрид, за кој избра да носи една беспрекорна креација.

Таа се одлучи за модел од шпанскиот бренд „Redondo“ – волшебен фустан со цветен дезен.

Карис носеше долг фустан со тенки прерамки што ја истакнуваше нејзината витка фигура; креацијата имаше права силуета, украсена со цветни мотиви по целата должина.

Изгледот го заокружи со брановидна коса и шминка во неутрални тонови, постигнувајќи ја популарната естетика позната како „soft glam“ (нежен гламур).

Исто така, носеше црна мала чанта со уникатна рачка, што придонесе за софистициран впечаток на целата комбинација.

Судејќи според фотографиите, Карис прераснала во вистинска убавица која неверојатно многу личи на својот славен татко, Мајкл Даглас.