Марк Закерберг сподели ретки фотографии со сопругата Присила и ќерките
Марк Закерберг и неговата сопруга, Присила Чан, ја прославија Ноќта на вештерките (Halloween) со своите три ќерки, а основачот на „Мета“ сподели неколку ретки семејни фотографии на Instagram. Овогодинешните костими беа инспирирани од темата „бургер“; Закерберг ги покажа костимите што ги избрале тој, неговата сопруга и нивните ќерки – Максима (10), Огаст (9) и Аурелија (3).
На една од фотографиите, Закерберг позира облечен како готвач. На неговата престилка пишува „The Grillfather“, а во рацете држи кујнски штипки и шише со сос. Присила Чан се одлучила за костим на кисела краставичка, додека нивните ќерки исто така се приклучија кон оваа семејна тематска комбинација.
„Се обидов да го организирам семејството за тема ’вечер на бургери‘, но не успеав целосно да го ’скротам‘ најмалиот бургер“, се пошегува Закерберг во описот на објавата.
Закерберг и Чан генерално ја штитат приватноста на своите три ќерки и ретко споделуваат семејни моменти на социјалните мрежи. Сепак, повремено прават исклучок, дозволувајќи им на своите следбеници да ѕирнат во нивниот семеен живот.
Во септември 2024 година, Закерберг сподели еден креативен потфат на неговата ќерка Огаст, која напишала детска книга. Тој откри дека таа ја искористила вештачката интелигенција на „Мета“ за да ги изработи илустрациите и веќе почнала да работи на продолжение.
„Мојата ќерка Огаст напиша книга насловена ‚Кристалот на сирената‘ (The Mermaid Crystal), а ние ја искористивме Meta AI за илустрациите и за изработка на овој трејлер“, напиша тогаш Закерберг.
„И да, продолжението е веќе во подготовка. Горд татко!“
Во мај истата година, семејството го прослави и 40-тиот роденден на Закерберг. Присила објави неколку фотографии од прославата на кои се гледа како позираат со своите ќерки; на една од сликите е фатен момент во кој Закерберг ужива во прославата, додека неговата сопруга ја држи нивната најмлада ќерка, Аурелија.
