Сабота, 21 ноември 2026МаркетингКонтакт
Пребарај

Пронајдено безживотно тело на 38-годишен маж кај Смилковци, имал прострелна рана на ногата

Безживотно тело на 38-годишен маж од скопското село Љубин утрово било пронајдено на обиколницата „Мајка Тереза“, во близина на селото Смилковци. Покрај телото било пронајдено и патничко возило „мерцедес“ со скопски регистарски ознаки, кое претходно го управувал починатиот.

Од Министерството за внатрешни работи информираат дека случајот бил пријавен во 6:15 часот во СВР Скопје. Полициски службеници излегле на местото и утврдиле дека станува збор за Ш.Е. (38) од Љубин.

„Од Итна медицинска помош констатирана е смрт, при што е забележана прострелна повреда во пределот на ногата“, соопшти МВР.

По наредба на јавен обвинител, телото е предадено во Институтот за судска медицина за обдукција. На местото бил извршен увид од екипа на СВР Скопје.

Од полицијата велат дека се преземаат мерки за целосно расчистување на случајот.

Поврзани вести