Вардар со реми го заврши настапот во Лигата на шампионите

Ракометарите на Вардар со реми 26:26, против Мелсунген, го завршија настапот во Лигата на шампионите. Црвено-црните, сезоната ќе ја продолжат во ЕХФ Европската лига. Германскиот тим заедно со Висла, од оваа група, влезе во втората фаза во Лигата на шампионите.

Дуелот во „Јане Сандански“, не беше многу квалитетен, но беше исклучително неизвесен. Ниту еден тим немаше поголема предност од два гола.

Вардар, во првото полувреме, во финишот, успеа да надомести минус од два гола и со плус два да влезе во вториот дел (14:12).

Германскиот тим, по осум минути игра ја врати предноста од два гола. Потоа до финишот се играше во серии.

На 25 секунди до крајот Фадуил реализираше седмерец, му донесе водство на Вардар 26:25, но Мелсубген возврати преку Дростен за конечни 26:26.

Валах го предводеше Вардар со 14 одбрани, Фадуил постигна седум гола. Најефикасен кај Мелсунген со осум гола беше Штел, голманот Симиќ забележа 12 интервенции.

Foto/ facebook.com/rkvardar