(Видео) Спектакл во Манчестер: Јунајтед два пати се врати од два гола негатива, освои бод против Астон Вила

Фудбалерите на Манчестер Јунајтед и Астон Вила одиграа нерешено 4:4 (2:2) во спектакуларен натпревар од 10-то коло од Премиер лигата.

Јунајтед двапати надомести негативата од два гола, а бодот беше спасен со голот на Патрик Доргу во седмата минута од судиското надополнување. Домашниот тим губеше со 4:2 до крајот, но резервистите Џошуа Зиркза и Доргу не им дозволија на гостите од Бирмингем да победат.

Вила го отвори натпреварот на најдобар можен начин, имаше предност од два гола по четири минути.

Алисон постигна гол во втората минута по додавање од Џон Мекгин, а Николас Џексон само две минути подоцна го зголеми резултатот на 2:0 и го шокираше „Олд Трафорд“.

Јунајтед одговори во 16-та минута, кога Бруно Фернандеш реализираше пенал,а во претпоследната минута од првиот дел, поранешниот играч на Астон Вила Јури Тилеманс, на асистенција на Нусаир Мазрауи, го израмни резултатот на 2:2.

Сепак, почетокот на второто полувреме донесе речиси иста слика како и почетокот на натпреварот, два брзи гола од Астон Вила.

Во 48-та минута, Мекгин беше прецизен од пенал, додека Леон Горецка ја искористи асистенцијата на Џексон пет минути подоцна за да го зголеми резултатот на 4:2.

Долго време се чинеше дека Вила ќе ја зачува таа предност, но Јунајтед повторно најде начин да се врати во судиското надополнување на времето.

Прво, Зиркзе, кој влезе во игра во 83-та минута, постигна гол во втората минута од судиското продолжение по додавање од Доргу и го намали резултатот на 4:3.

Потоа асистентот стана стрелец. Во 97-та минута, Доргу искористи додавање од Фернандеш и ги постави конечните 4:4, за драматичен крај на натпреварот со осум гола.

Foto/ EPA