Епидемијата на ебола во Конго се прошири во осмата провинција, над 4.000 починати

Епидемијата на ебола во Демократска Република Конго се прошири во осмата провинција, Северен Убанги, која се граничи со Централноафриканската Република, соопшти денеска Институтот за јавно здравје на Конго.

Ројтерс во четвртокот објави дека во Северен Убанги биле потврдени два случаи на ебола, повикувајќи се на двајца здравствени претставници.

Според податоците на здравствените власти, бројот на потврдени случаи на ебола во Демократска Република Конго надминал 9.000, додека повеќе од 4.000 лица починале од болеста.