Понеделник, 16 ноември 2026МаркетингКонтакт
Пребарај

„Фајненшел тајмс“: Сменетиот шеф на Nvidia веќе сака да се врати

Џенсен Хуанг размислува за враќање на чело на „Nvidia“, само неколку дена откако поднесе оставка по медиумските извештаи за афери со наводна кинеска шпионка и вработена во компанијата. Како што пренесува „Фајненшел тајмс“, неговите сојузници во Силиконската долина вршат притисок врз одборот на директори на компанијата повторно да го назначат на функцијата.

Според неколку извори запознаени со ситуацијата, Хуанг веќе разговарал за можното враќање со свои доверливи соработници. Во меѓувреме, независна истрага, нарачана од одборот, ги испитува околностите што доведоа до кризата во раководството на производителот на чипови – компанија која се проценува на четири трилиони долари.

Поддршка од индустријата

Еден од сојузниците на Хуанг потврди дека се формира „кризен штаб“ (т.н. „war room“), составен од раководни лица од Силиконската долина. Нивната цел е да лобираат за враќање на поранешниот шеф на „Nvidia“, а планираат да побараат поддршка и од Белата куќа.

„Сите што се важни во технолошкиот сектор – со исклучок на оние во најнапредните истражувачки лаборатории – го сакаат Џенсен“, изјави изворот, додавајќи дека Хуанг ги поддржува овие напори. За време на викендот доби на интензитет јавната кампања за враќање на извршниот директор.

Отворено писмо со наслов „Вратете го Џенсен“ („Bring Jensen Back“) доби поддршка, меѓу другите, и од извршните директори на „Tesla“ и „SpaceX“, Илон Маск, како и од извршниот директор на „Epic Games“, Тим Свини. Хуанг сè уште ја ужива поддршката и на дел од вработените; по неговата оставка, неколкумина од нив јавно повикаа на негово враќање и го потпишаа споменатото писмо.

Поврзани вести