(Видео) Десет загинати во судирот меѓу два воза во Шпанија

Два брзи воза се судрија денес во Шпанија, при што загинаа најмалку десет лица, објави „Ел Паис“.

Сообраќајот на линијата што ги поврзува Мадрид со регионот Андалузија е прекинат, информација што ја потврди и железничкиот оператор Адиф.

„Сообраќајот на линијата за брза железница Мадрид-Андалузија е прекинат по судирот меѓу два воза“, објави шпанската железничка управа на Икс.

Шпанскиот весник „Ел Паис“ објави дека сведоците опишале бројни повреди и дека екипите за итни интервенции се на местото на настанот.

Истиот весник пренесува дека два вагони излетале од шините и се лизнале по насип. Според „Ел Паис“, несреќата се случила нешто по 9 часот наутро по локално време.

Судирот се случил на делницата помеѓу градовите Лос Јебенес и Урда, во покраината Толедо.