(Видео) Србин во Цирих чекаше седум часа за да гласа, зад него останаа уште 500 луѓе во редот

Големи редици се формираа пред избирачкото место во Цирих, каде што српски државјани со часови чекаат за да го остварат своето право на глас на денешните вонредни парламентарни избори во Србија.

Александар Самсонов за Н1 изјави дека чекал дури седум часа пред да успее да гласа. Според него, по неговото гласање, во редот останале уште околу 500 српски државјани кои чекале да дојдат на ред.

За гласање во Швајцарија биле пријавени вкупно 1.657 избирачи.

„Ако сите останат да чекаат, а верувам дека ќе останат, требало би да завршиме околу полноќ“, изјави Самсонов за Н1.

Тој додаде дека само за патувањето до избирачкото место и назад потрошил повеќе од три часа, но дека ниту долгото патување ниту седумчасовното чекање не го обесхрабриле.

И покрај големите гужви, Самсонов оцени дека атмосферата меѓу избирачите е многу добра и дека во текот на денот немало инциденти.

„Луѓето веруваат дека може да дојде до промена“, рече тој, оценувајќи дека излезноста и атмосферата на овие избори значително се разликуваат од претходните изборни циклуси.

Според него, граѓаните се подготвени да чекаат со часови за да го остварат своето избирачко право.