(Видео) Јувентус за 12 минути го реши Лече

Фудбалерите на Јувентус го победија Лече со 2:0 на гостински терен во натпреварот од осмото коло на Серија А Јувентус го реши прашањето околу конечниот победник уште во првото полувреме.

„Старата дама“ поведе во 29-та минута. Даглас Луиз комбинираше со Вестон МекКени, кој остана сам во шеснаесетникот и го совлада Владимир Фалконе со прецизен удар.

Јувентус продолжи да напаѓа, а наградата за подобра игра стигна во 41-та минута.

Овој пат улогите беа сменети, Федерико Гати ја испрати топката до Даглас Луиз, кој се ослободи од својот ривал на работ од шеснаесетникот и со силен удар, со помош на стативата, го погоди долниот лев агол за 2:0.

Лече продолжи да се обидува да го промени текот на играта, а тренерот Еузебио Ди Франческо направи неколку измени за да го освежи тимот. Сепак, домаќините не можеа да го најдат патот до мрежата на Јувентус.

Foto/ Depositphotos