(Видео) Мет Дејмон е неразделен од својата убава сопруга: блеснаа на црвениот тепих

Мет Дејмон се појави на настан во Лос Анџелес во придружба на неговата сопруга, Лусијана Баросо, со што веднаш го привлече вниманието на јавноста.

Списанието GQ го прогласи својот „Маж на годината“ – фудбалерот на „Арсенал“ и англиски репрезентативец, Деклан Рајс. По тој повод, во Лос Анџелес се одржа свечена вечера на која присуствуваа бројни ѕвезди од светот на шоу-бизнисот.

Актерот Мет Дејмон го привлече вниманието на јавноста, исто како и неговата прекрасна придружничка, сопругата Лусијана Баросо. За овој настан, парот се одлучи за усогласени модни комбинации.

Додека Мет избра црн костум со тенки вертикални линии, искомбиниран со вратоврска со интересен дезен, неговата сопруга се одлучи за класична вечерна тоалета.

Таа носеше црн макси-фустан со прав крој, кој ја истакнуваше нејзината витка фигура. Својот едноставен – можеби дури и суптилен – изглед го надополни со болеро-сако, кое го носеше префрлено преку рамената.

Косата ѝ беше пуштена, а шминката се одликуваше со впечатливи, темни тонови.

Парот изгледаше многу расположено додека позираше на црвениот тепих; Мет стоеше блиску до сопругата, гледајќи ја со љубов во текот на целото време.

Иако можеби официјално не ја освои титулата „Маж на годината“, тој несомнено е еден од најатрактивните мажи во Холивуд.