Раде Богдановиќ: Српските фудбалери се однесуваат како да играат во лигата на ветерани во Белградската зона

Србија беше поразена по шести пат во Лигата на нации, но природата на форматот на ова натпреварување е таква што „Орлите“ ги задржаа шансите да останат во Лигата А.
Раде Богдановиќ, поранешен офанзивен играч на Атлетико Мадрид и Вердер Бремен, кој работи како стручен коментатор за државната телевизија, РТС, како и секогаш „без влакна на јазикот“ ги критикуваше играчите.
Во Волос, Грција беше подобра од тимот на Вељко Пауновиќ со 1:0 (0:0). Тоа беше осмиот последователен пораз на српската фудбалска репрезентација.
„Како што почнавме, така и завршивме. Шест порази. Црна земјо, што дочекавме. Најмногу ме загрижува што ќе се случи од март, кога ќе започнат квалификациите за најважното, квалификациите за Европското првенство. Дали ќе останеме во Лигата на нации А или не, сега е најмалку важно. Она што нè загрижува е што нашите репрезентативци, кои понекогаш ги фалиме, колку да гии пофалиме, визуелно се однесуваат како некои играчи кои играат во лигата на ветерани во Белградската зона. Тоа навистина треба да се каже“, рече Богдановиќ.
Во март, Србија го продолжува натпреварувањето во Лигата на нации, и покрај тоа што не освои бод во шест кола, ќе игра бараж за опстанок во Лигата на нации А.



